MP thar lawmpuina thawn

Mizoram Pradesh Congress Committee (MPCC) president Lal Thanzara chuan nimin khan Mizoram Lok Sabha MP atana thlan tlin tâk Richard Vanlalhmangaiha chu thinlung taka a lawmpui thu a thawn.

Lal Thanzara chuan duhsakna hlanin, "Parliament-a Mizoram aiawh tura thlan i nih ang ngeiin Pathian venna leh kaihhruaina hnuaiah i mawhphurhna leh tih turte ṭha taka i hlen ngei theih nan duhsakna sang ber ka hlan a che. Kan ram, kan hnam, kan sakhua a him theih nan leh kan ramin hma a sawn zel theih nan Mizoram leh Mizo mipui tana theihtawp chhuaha thawk turin ka ngen bawk che a ni," a ti.