July-ah khualzin phur rélin Hortoki a thlen theih beisei

Bairabi leh Sairang inkara rêl kawng siam mekah bungraw phur relin Hortoki rél chawlhhmun a thleng thei tawh a, rel pawhin a zawh tawh. Hortoki chawlhhmun hi July 2024-ah chuan khualzin phur rélin a thlen theih tawh beisei a ni.

May 29, 2024 khan bungraw phur rêlin a vawi khatna atan Bairabi chawlhhmun aṭangin Hortoki chawlhhmun a thleng a, chumi hnuah pawh a bungraw phurh dahin, a kal nawn leh tawh. Rél hian kawng siam meka hmanraw mamawh hrang hrangte a phur ṭhin.

Rêl kawng siam hna thawktu North Eastern Frontier Railway hotute chuan, July 2024 velah chuan mihring/khualzin phur rélin Hortoki chawlhhmun a thlen theih nan peih hman an beisei a, chumi tur chuan ṭan an la mek tih an sawi.