Sorkarin drone a khuahkhirh

Mizorama drone hman/thlawhtir chungchangah sorkar chuan hriattirna a tichhuak a, drone/unmanned aerial vehicle/unmanned aircraft system-te chu license nei tan chauh hman phal a nih thu leh, third party insurance tih ngei tur a nih thu a tarlang.

Sorkar thuchhuah chuan, drone/unmanned aerial vehicle/unmanned aircraft system hmang rêng rêngin sorkar pawmpui Digital Sky Platform-a inziak lut leh a khalhtu pawh hetiang lama license nei, Director General of Civil Aviation-in training a pawmpui zirna aṭanga zir chhuakte chauh hman tur a nih thu a tarlang a, "Nano drone a nih loh chuan drone/unmanned aerial vehicle/unmanned aircraft system reng reng hi The Motor Vehicles Act, 1988 (59 of 1988)-in a phût angin third party insurance tih ngei tur a ni," a ti.