KHAWTHLIR

Sikul sak endik

Mizoram State Project Monitoring Committee vice chairman R Lal Rinawma chuan nimin khan Bilkhawthlira Eklavya Model Residen­tial School a tlawh a, in sakte a endik. Bilkhawthlir EMRS-ah hian kumin academic session-ah pawl 6-7 kalpui tum a ni.

Lui thian fai

Directorate of Women & Child Development chuan nimin khan World Environment Day pualin Save the Riparians nen ṭang dunin Tuikual lui then fai hnatlang an huaihawt a, WCD department-a thawkte leh Save the Riparian pawl mi eng emaw zat an thawk chhuak.

Roll tlangzarh

Lawngtlai DEO Cheemala Siva Gopal Reddy, DC chuan nimin khan Lai Autonomous District Council-a Lawngtlai Chandmary MDC bial by-election neih tura hman tur final electoral roll a tlangzarh. He bial hi Dr Lorrain Lalpekliana Chinzah bial a ni ṭhin a, MLA a nih avangin MDC a nihna a bànsan a, by-election neih a ngai ta a ni.

Zirlai lawmpui

Lunglei Officers’ Club chuan nimin khan DC conference hall-ah Lunglei district aṭanga HSSLC 2024-a top 10-a lang Fakzuala Chawngthu leh Thomas VL Awmpuia Kompa te hnenah chawimawina thuchei leh Rs 5,000 ve ve an hlan.

ZPM Ṭhalai President lawm

ZPM Ṭhalai president Jeje Lalpekhlua, MLA chuan thuchhuah siamin, Lok Sabha inthlanpui leh vote chhiarte tluang taka neih a ni chu lawmawm a tih thu leh, ZPM candidate Richard Vanlalhmangaiha thlan tlin a ni chu a lawm thu a tarlang. ZPM candidate candidate thlan tlin a nih theihna tura theihtawp chhuahtu te leh vote thlaktute chungah a lawm thu a tarlang bawk.

Minister-in tlawh

Horticulture minister Prof. Lalnilawma chuan nimin khan Zo Anthurium Growers Cooperative Society Ltd. Collection Centre, Ramhlun North a tlawh a, hmasawn zel theih dan tur a sawipui. ZAGCS hruaitute chuan, member 150 an awm mek thu leh chawlhkar tin tin Rs 40,000 vel man an thawn chhuah ṭhin thu an sawi.