Minister hoin naupang infiammite theihna hai chhuah dan tur sawiho
Sports & Youth Services (SYS) minister Lalnghinglova Hmar hoin a pisaah nimin khan SYS department hotute leh Sports Authority of India (SAI), NERC, Imphal hotute an inkâwm a; Khelo India Rising Talent Identification Prog-ramme, Rajiv Gandhi Stadium, Mualpuia neih mek an sawiho.
Khelo India Rising Talent Identification Programme hi June 3, 2024 khan ṭan niin, June 7, 2024 thleng a awh dawn. Programme-in a tum ber chu infiamnaa tui leh theihna nei naupangte theihna hai chhuahsak a ni.
Infiamna chi hrang hrangah a bulṭhut (grassroot level) aṭanga inzirna (training/practice) mumal tak neihpui a, hma an sawn zel theihna tgura kaihhruai te, hmanrua/bungraw mamawh pek te, tunlai thiamna hmanga an theihna leh thiamna tihpun a, nakin zela Mizoram tan mai ni lo, khawvel hual intihsiaknaa India ram aiawh thei tura infiammi chher chhuahte Khelo India Rising Talent Identification chuan a tum bawk.
Sports Minister chuan, Olympic 2036-ah tel pha turin Mizorama naupang infiammite'n theihna an neih ṭhat thu a sawi a; chumi a hlawhtlin theih nan chuan Mizoram SYS department leh SAI, Imphal ten thawhona ṭha zawk an neih a, a ṭul anga hmalak an remti tlang a ni.