Hachhek bial chhungah ram dang kuhva tawlh rûk an veng leh ṭan

Hachhek Bial Kuhva Chingtu Pawl (HBKCP) member-te chu ram dang kuhva dan loa phurhte endik turin Hachhek bial chhungah vengtu (duty) an indah leh ṭan a, nimin khan Zamuangah duty hawnna inkhawm an buatsaih.

Dan loa kuhva rah tawlh vên hna thawh tur hawnnaah hian HBKCP chairman Kanan Lalhlimawma chuan, "Sorkar kan do lo a, sorkar hmalaknaah lawmthu kan sawi. Kan eizawnna ber kuhva hralh kawnga harsatna min siamtu ram dang aṭanga dan loa kuhva tawlh dang turin theihtawp kan chhuah dawn a ni," a ti a; ram dang kuhva tawlh ru ṭhinte chu an huam chhungah kal lo turin a chah.

HBKCP general secretary Lalvenhima Ralte chuan, nimin aṭanga duty an ṭanah khaw hrang hranga an member-te an inchhâwk dawn tih a sawi a; kuhva chíngtute'n tlawmngaih chhuah a, mahni insengsoa chaw fûn nen an thawh chhuah ṭhin a ngaih dawn thu a sawi bawk.