In 50 chuanga awmte an awmna in chhuahsan tura hriattir an ni
Aizawl District Disaster Management Authority chairman Nazuk Kumar, bawrhsap chuan, Cyclone Remal vanga chhiatna thlengte mithiamte'n an zirchianna aṭanga Aizawla hmun him loa ngaih - Bungkawn Vengthara chenna in panga, Trinity Hospital, Melthum (Silaimual) bula in pathum, Melthuma chenna in pathum leh Hlimena chenna in 46 chu chhuahsan turin ina chengte a hriattir.
Aizawl Bawrhsap chuan, June 1, 2024-a mithiamte'n Bungkawn Vengthara EGS Link Road, Melthum leh Hlimena leiminna hmun leh, Trinity Hospital chhehvel an zirchianna aṭangin ruahtui tam zawk a tlaka hmun him lo theite an hmuh thu a tarlang.
Hmun him loa awmte chu thuleh awm hma chuan an chenna in chhuahsan rih turin Aizawl DDMA Chairman chuan Disaster Management Act, 2005 Section 30 (2)(iii) tlawhchhanin a hriattir a ni.