Aizawl hmun thumah heroin gram 985 an man

Excise & Narcotics department (END) chuan June 5, Nilaini khan Aizawla veng pathumah mi pathum hnen aṭangin heroin (no. 4) gram 985 an man.

END chuan heroin vanga an mante lakah The Narcotics Drugs & Psychotropic Substances Act, 1985 tlawhchhanin thubuai an ziak lut a, nimin khan Special Court (NDPS Act) hnenah an thawn a ni.

END HEROIN MAN DAN

* June 5 chhun dar 12:20-ah Durtlang North-ah gram 131 leh a neitua puh Lalbuatsaihi (35) d/o Rinpuia, Durtlang North-a khawsa nia inchhál an man.

* June 5 tlai dar 3:45-ah Hunthar Veng kawngpuiah Lalmuansanga (23) s/o J Rodawla, Hnahthial, tuna Tanhril Vengthara khawsa mek nia inchhál hnen aṭangin gram 775 an man.

* June 5 zan dar 8:15-ah Lalsangliana (43) s/o F Rokhuma (L), Chhinga Veng nia insawi hnen aṭangin gram 79 an man.