Mi paliin nomination thehlut
June 25, 2024-a Aizawl Municipal Corporation (AMC) Ward-XIX by-election neih tura chuh turin mi paliin nimin khan Returning Officer hnenah hming an pe lut a, vawiinah endik a ni ang.
AMC by-election atana returning officer Lalmuansanga Ralte hnena nomination thehluttute chu - ZPM candidate Dr C Malsawmtluangi, MNF candidate Dr Lalrinzuali Hrahsel, Congress party candidate Effie Vanlalhmangaihi leh BJP candidate K Vanlalruati te an ni.
Nomination paper-te chu vawiinah endik a ni dawn a, inhnûkdâwk leh duhte tan June 10, 2024 chawhnu dar 1 thleng hun hawn a ni ang.
AMC by-election neih turah hian State Election Commission chuan returning officer atan Food, Civil Supplies & Consumer Affairs joint director Lalmuansanga Ralte a ruat a, returning officer vice atan Aizawl additional DC Isaac C Lalrempuia a ruat bawk.