PUC zirlai chhuak turte thlah

Pachhunga University College (PUC) chuan nimin khan an zirlai kal chhuak turte thlahna hun an auditorium-ah an buatsaih a, zanriah an kîlho nghal. Zirlai kal chhuak tur an thlahte chu mi 972 an ni.

Zirlai chhuak turte thlahna Grad Dinner-ah hian PUC principal Prof. H Lalthanzara chuan zirlai chhuak turte fuihna thu sawiin, "In zir zelna turah thiamna hman tlak nei tum rawh u. Mizo hnam tana mi chhenfâkawm nih ngei tum a pawimawh," a ti a, ram tana an thiamna leh theihna hlan lêt turin a chah.

PUC-ah hian under graduate course 23 leh post graduate course panga a awm a, zirlai 3,290 an awm mek a ni.