Mizoram Council of Minister-in aikal tihtawp vekna tur a pawm

Mizoram Council of Minister chu June 6, Nilaini tlai khan chief minister Lalduhoma hoin CMO Cabinet Room-ah an ṭhukhawm a, agenda 17 an pawm zingah sorkar hnathawk aikal tihtawp vekna tur a tel a; agenda ngaihtuah hman loh an nei bawk.

Ṭhutkhawmah hian Disaster Management & Rehabilitation department chuan Remal Cyclone vanga chhiatna thlenga chhawmdawlna hnathawh dan a lem nen an sawifiah a, a ṭul anga hma la chhunzawm zel tura tih an ni.

Department of Personnel and Adminis­trative Reforms (DPAR) aṭanga lut, sorkar hnathawk aikal zawng zawng tihtawpna tur 'Actions Warranted Against Illegal Practice of Engagement of Proxies/Substitutes (Aikal) by Government Servants' tih chu an sawiho hnuah an pawm.

Vanglaini thu dawn danin, Actions Wa­rran­ted Against Illegal Practice of Engagement of Proxies/Substitutes (aikal) by Government Servants hmang hian Mizoram sorkar chuan ngaihnathiam bik nei loin aikal zawng zawng a titawp dawn. Ngaihnathiam bik neih a nih chuan inthîknate a awm a, aikal lâk a hluar phahah sorkarin a ngai a ni.

Aikal lak tihtawp vekna tur hriattirna tih­chhuah a nih aṭanga thla khat chhungin aikal la zawng zawngte inhriattir tur a ni dawn a; sorkar hnathawk aikal la, hna thawk chhun­zawm thei tawh lote chu dan angin an pension theih dan tur ngaihtuah a ni dawn. Hna thawk thei tawh lo, chawlh (leave) la neite chu leave an lak zawhtir phal a ni ang.

Council of Minister chuan centrally spon­sored schemes (CSS) hnuaia thawk, kum 15 aia rei thawk tawhte dah nghehna tur rawtna an pawm a; rifle allowance Rs 40 ni ṭhin chu Rs 100-ah tihpun an remti. ZIDCO Ltd., MIFCO Ltd., ZOHANDCO Ltd., MAMCO Ltd., MKVI Board leh Mizoram Youth Commission chairman-te hlawh tihpun rawtna an pawm bawk.

COUNCIL OF MINISTER-IN AN PAWM DANGTE

• Draft Schemes for Employees under Centrally Sponsored Schemes.

• The Government of Mizoram Regularization of Centrally Sponsored Schemes (CSS) Employees Scheme, 2024. Proposal for – Regularization of Contract Employees who have rendered more than 15 years of service. Regularization of Provisional Employees/Muster Roll Employees who have rendered more than 20 years of services.

• Proposal to amend the Rules for Enlistment of Contractors in Mizoram, PWD, 2014.

• Fixation of lower limit at the time of floating tender/bid invitation.

• Proposal for Amendment of the Mizoram Ceiling on Government Guarantees Act, 2011 and the Mizoram Ceiling on Government Guarantees Rules, 2013 by introducing the Mizoram Ceiling on Government Guarantees (Amendment) Bill, 2024.

• Common pool of registered firms to be used by all engineering departments and other departments with similar nature of works.

• The Draft Mizoram Electric Vehicle Policy, 2024 (a thuphungin an pawm).

• Proposal for adoption of the Scheduled Tribes & Other Traditional Forest Dwellers (Recognition of Forest Rights) Act, 2006.

• Proposal for Amendment of Mizoram Consumer Protection (Salary, Allowances and Condition of Service to the President and Members of the State Commission and District Commission) Rules.

• The Draft Lunglei Municipal Council (Control of Parking and Collection of Parking Fees) Regulations, 2024.

• The Draft Lunglei Municipal Council Licensing Regulations, 2024.

• Proposal for an Adoption of Bharatiya Nagarik Suraksha Sanhita (No. 46 of 2023).

• Lunglei Municipal Council Display Advertisement & Hoarding Regulation, 2024.