Kuhva chingtute'n kuhva an man

Bilkhawthlir kuhva chingtute chuan nimin zing khan lirthei (car) pathum aṭangin Myanmar aṭanga dan loa lak luh nia hriat kuhva rah ip 20 an man.

Kuhva chingtute hian Sadam Hussain, Cachar, Assam nia inchhál khalh car AS-11 AA-5743 aṭangin Kharzawl, Bilkhawthlirah kuhva rah ip 8 an man. Nimin vek khan Chemphai kawngah Sharul, Bagha, Assam nia inchhál khalh AS-11 Z-6793 aṭangin kuhva rah ip 8 leh, Ikzur, Bagha, Assam nia inchhál khalh MZ-05 A-5071 aṭangin kuhva rah ip 4 an man leh bawk.

Kuhva rah an mante chu kuhva chingtute chuan an tichhe nghal a, lirthei leh a khalhtute erawh an chhuah a ni.