AMC by-election chuh tura hming pek luhte pawm vek

June 25, 2024-a Aizawl Municipal Corporation (AMC) Ward-XIX by-election chuh tura hmin pek luhte chu nimin khan returning officer Lalmuansanga Ralte hoin endik a ni a, nomination lutte pawm vek a ni.

AMC by-election-a candidate ni tura Returning Officer-in a pawm tâkte chu - INC aṭangin Effie Vanlalhmangaihi, Veng-hnuai, MNF aṭangin Dr Lalrinzuali Hrahzel, Kulikawn, Dr C Malsawmtluangi, Hlimen leh K Vanlalruati, Tlangnuam Vengtharte an ni a; chhinchhiahna (symbol) atan an party symbol pangngai an hmang vek dawn a ni.

AMC Ward-XIX by-election neih tura candidate zinga inhnûkdâwk leh duhte tan June 10, 2024 chawhnu dar 1 thleng hun hawn a ni ang.

Tarlan tawh angin, Ward-XIX hian Kulikawn, Tlangnuam, Tlangnuam Vengthar, Saikhamakawn, Melthum leh Hlimente a huam a; AMC term kal mekah hmeichhe bial a ni.