Document lem hmanga ha doctor hna thawkin bànna a thehlut - MZP

MZP chuan, an ngenna anga dental surgeon (ha doctor) document lem hmanga National Health Mission (NHM) hnuaia thawkin bànna a thehlut chu lawmawm an tih thu an tarlang.

Mi pakhatin document lem hmanga dental sur­geon hna a thawk nia an hriat chung­changah MZP chuan hma la turin Health minister Lalrinpuii an lo ngen tawh a, "MZP ngenna anga dentist-in bànna a theh­luh avangin lawm­awm kan ti hle," an ti.

MZP chuan, "Kan ngenna Health Minister chuan chak taka a bawhzui avangin dentist surgeon chuan June 5, 2024 khan NHM-ah bànna lehkha a thehlut tih hriat a ni a, NHM chuan June 6, 2024 khan bànna lehkha a pawm nghal a ni," an ti a; Health Minister hmalaknaah an lawm thu an tarlang.

MZP tarlan danin, docu­ment lem hmanga NHM hnuaia dental surgeon hna thawk hi February 2023-a NHM-in a lak zingah a tel a, BDS a zir chhuahna nia tar­lan zirna-inah a lut/zir lo hrim hrim tih finfiah a ni.