Tualpui-in Chief Minister an chawimawi

Chief minister Lal­duh­oma chu nimin khan a pianna Tualpui khawtlangin an khuaah chawimawina an hlan a; Lalduhoma lim an siam chu H Ginzalala, MLA-in a hawng.

CM Lalduhoma chuan, amah leh a chhungte siam lian a, a thlavâng vawi tam hauha chawimawi ṭhintu Tualpui khawtlang chungah a lawm thu a sawi a, "Tualpui khawtlangin an khaw tan chauh ni lo, ram pum leh bial huapa inang tlanga hmasawnna hna thawh an duh tih an sawi hi a ropui. Tualpui khua tihmingchhetu ni loin, hmingṭhatna - buh ngah, hlo thlawh chak leh taima khua kan nihna i chhawm nung zel ang u," a ti a; ruihhlo laka fihlim turin kal khawmte a ngen.

Chief Minister chawimawinaah hian minister of state pahnih Prof. Lalnilawma leh Lalnghinglova Hmar te, Lunglei High Powered Committte vice chairman V Malsawmtluanga, MLA, ZOHANDCO chairman leh ZPM president Lalliansawta, Khawzawl bawrhsap K Lalrohlua leh Tualpui VC president Ramengmawia te pawhin thu an sawi.