Kumin Mizorama ASF dinhmun: Vawk thi 1,538; suat 3,902

Mizoramah kumin chhung­in vawk pùl hri, Afri­­can Swine Fever (ASF) vangin vawk 1,538 thi tawhin, vawk 3,902 suat a ni tawh a, ASF kaih­hnawih­a vawk thi leh suat zawng zawng chu 5,440 a ni. Nimin khan ASF vangin vawk pasarih a thi a, vawk 11 suat a ni bawk.

AH&Vety department tarlan danin, kumin January 1 aṭanga nimin thleng­in Mizorama khua/veng 83-ah ASF vangin vawk 1,538 a thi tawh a, vawk hri darh zel tur ven nan vawk 3,902 suat a ni. ASF kaih­hnawiha khua/veng 83-a vawk thi leh suat zawng zawng hi 5,440 a tling.

Nimin Pathianni khan ASF vangin Dur­tlang Lei­­tan­ah vawk pahnih leh Muthi khuaah vawk panga a thi. Nimin vêk khan Serchhip district-a Chhing­­chhipah ASF darh zel tur ven nan vawk 11 suat a ni bawk. Nimina ASF kaih­hnawiha vawk thi leh suat chu 18 a ni.