Chennai-a awm leh awm tumte tana hriat tur pawimawh tarlang

Chennai Mizo Welfare Association (CMWA) chuan thuchhuah siamin, Chennai-a Mizo awm mekte leh awm tumte hriat atana pawimawh an tarlang a; awm thar turte chu an awmna tur dinhmun hre chiang hmasa turin an chah.

CMWA chuan, Chennai-ah hun rei tawh tak aṭangin zirna leh hna vangin Mizo an lo awm ṭawh tih tarlangin, "Chennai-a Mizo awmte buaina, harsatna leh thlavâng hauh ngaihna hrang hrangah CMWA chuan phâk ang tâwkin hma a la ṭhin," an ti.

Mizoram leh India ram state dang aṭanga placement agency kaltlanga Chennai leh a chhehvela hna thawk tura Mizo an thawn, an hnathawh leh hlawh tur an hrilh ang ni loa zawmtir an awm ṭhin thu CMWA chuan an tarlang.

CWMA chuan, hna tiam ang ni lo an thawh leh hlawh an lak ṭhat theih lohin placement agency-te'n an ngaihtuah zui ngai lo tih tarlangin, "CMWA an rawn ngen anga buaipui enge maw zat an awm tawh. Tun hnaiah Creative Consultancy kaltlanga rawn kal pawh harsatna a tawh avangin Mizoramah kan thawn haw a ni," an ti.