Sapthei chíngtute kàwm

Tuichang bialtu MLA W Chhuan­awma leh MIFCO chair­man Lalṭhazuala Royte chuan June 8, Inrinni khan Chawngtlai leh Khawhai khuaah sapthei chíngtute an kâwm.

Chawngtlai leh Khawhaia sap­thei chingtute chuan bialtu MLA leh MIFCO Chairman hnen­ah an harsatnate an lo thlen a; thawh­hona ṭha zawk neih theih dan tur an sawiho a ni.

W Chhuanawma chuan, sap­thei chingtute'n mumal zawka sapthei an tharte an hralh theih nan hmalakpui a tum thu leh a theihna apiangah an tan a din zel tur thu a sawi.

Lalṭhazuala Royte chuan, Chawngtlai leh Khawhaia saptheite chu a hranpaa zir chiang leh turin rua­hmanna thar nen tlawh leh ngei a tum thu a sawi a, tun aia uar zawka hma la turin a chah bawk.