MNYF-in kawng siam mek an en

Mizo National Youth Front hruaitute chuan June 8, Inrinni khan Durtlang leh Sihphir inkar kawng zauh hna thawh mek a hmunah an en a; kawng siam chu sorkar hmasa hun laia ṭan a nih thu leh hmasawnna hna­thawhte an vil zel dawn thu an tarlang.

MNYF thuchhuah chuan, Durtlang-Sihphir kawng chu Central Road Infras­truc­ture Fund nuai 4,657 hmanga siam a nih thu leh km. 10.25-a thui a nih thu tarlangin, "BRO enkawl a ni a, bialtu MLA ni ṭhin leh CM hlui Pu Zoramthanga’n nasa taka hma a lakna azarah Ministry of Defence-in NOC an pe a, kawngpui zim tak chu a lo zau ta a ni," a ti.

MNF ṭhalaite chuan, "Kawngpui lian ṭha khâm kara MNF sorkar Pu Zoramthanga kaih­hruaiin a lo ruahman hi ropui kan ti a, Mizoram dung leh vânga kawng­pui lian leh ṭha tam tak siam zawh a ni tawh leh siam mek zel tam tak la awm hi MNF sorkar nachang hriat vang a ni," an ti a, MNF sorkar hmalaknaah an lawm thu an tarlang.