Project Monitoring Committee-in endik

Mizoram sorkarin hma­­sawnna hnathawhte endik tura a din, Mizoram State Project Monitoring Com­mittee (MSPMC) chuan June 7, 2024 khan Tlung­vela Eklavya Model Resi­dential School (EMRS) sak mek an enfiah.

EMRS hi sorkar laipuia Ministry of Tribal Affairs-in Article 275 (i) hnuaia hmun kilkhawra scheduled tribe naupangte'n zirna ṭha an dawn theihna tura rua­hman a ni. EMRS, Tlungvel din thar tur hi June 8, 2024-ah hawn tura tih a ni.

Hna thawh zingah sikul, hostel, quarters, foot­ball ground, volleyball court, basketball court, archery range leh swim­ming pool-te a tel.

Tlungvel EMRS-a hna thawhte chu MSPMC member-te chuan an endik a, ruahman angin inte sak a nih leh nih loh te, hnathawh a ṭhat dante an enfiah.

MSPMC hi secretary Vanlalruata Sailo-in a ho a, member H Laldintluanga bakah, a kaihhnawih depart­ment leh contractor aiawhte an tel a ni.

EMRS, TLUNGVEL-IN A KEN TELTE
1. School building - Rs 4,42,16,000
2. Boys hostel - Rs 3,53,81,000
3. Girls hostel - Rs 3,53,81,000
4. Kitchen & dining - Rs 89,05,000
5. Principal quarters - Rs 39,24,000
6. Type-III quarters pahnih - Rs 2,48,88,000
7. Type-II quarters pakhat - Rs 1,20,35,000
8. Guest house - Rs 29,40,000