Agriculture Minister-in tlawh

Agriculture minister PC Vanlalruata chuan Khawzawlah a department chan hnuaia pisa pathum - District Agriculture Office, Krishi Vigyan Kendra (KVK) leh Irrigation & Water Resources department office-te a tlawh.

Agriculture Minister hi a tlawh office-a hotu­te'n an lo dawng­sawng a, depart­ment hmalakna leh hma­­chhawpte a hnenah an lo thlen. Minister ho hian kut hnathawktute tana hmasawnna tur hrang hrang sawiho a ni.

KVK, Khawzawla inkawmhonaah senior scientist Dr Malsawmkimi chuan, KVK hnathawh dan, loneitute hnena enchhinna hrang hrang an lo neih tawh dan leh an hlawhtlin pui tawhte a lem nen a sawifiah.

PC Vanlalruata chuan, kut hnathawktute tana KVK hnathawh chu a pawimawh thu sawiin, ṭha­­hnemngai taka thawh­­hona ṭha tak nei chhunzawm zel turin a fuih a ni.