Champhai North hmasawnna tur sawiho

Champhai North bialtu MLA H Ginzalal chuan June 8, Inrinni khan Champhai Circuit House-ah Champhaia sorkar department hotute leh tlawmngai pawl hruaitute Champhai North bial hma­sawnna tur a sawipui a; ZPM presi­dent Lalliansawta pawh a tel.

H Ginzalal chuan, a bial chhungah hmasawnna hna thawh tur an ngah tih sawiin, "Ramria awm kan nih avangin state sorkar bakah central sorkar pawhin min ngai pawimawh em em. Hma­sawnna tluantling awm tur chuan sorkar chauh a pawimawh lo a, sorkar hnathawk, NGO leh mi tinten mawh­phurhna leh tih tur kan nei; kan zavaia kan ṭan rual chuan ram ṭha zawk kan siam thei a ni," a ti.

ZPM president Lalliansawta chuan, ZPM chu sorkar tìr chauh an nih avangin hnathawh theih hun chhung a la tlem tih a sawi a, "Kan policy-ah hian convergence kan uar hle dawn a, kan ram dinhmun hi ngun taka kan thlirin kan kal dan hi thlak tur leh thlak ngai tam tak a awmin kan hria a ni," a ti a; dikna leh rinawmna nen ram enkawl a ngaih thu a sawi.

MLA H Ginzalal hian HSSLC 2024-a Commerce topper Lalhminghlua hnenah lawmpuina a hlan nghal a ni.