Champhaiah Incubation Centre hawng

Adviser to chief minister (Technical) H Ginzalala, Champhai North bialtu MLA chuan nimin khan Champhai New Market (CHANEM)-ah Skill Development & Entrepreneurship Incubation Centre a hawng.

H Ginzalala chuan, Skill Development & Entrepreneurship Incubation Centre enkawla ṭhutchilhtu tur mi pahnih dah thuai a nih tur thu sawiin, "Centre hi idea thawh khawmna tur hmun a ni a, entrepreneurship chu engmah lo aṭanga bul ṭana hlawhtlinna chang thei tura hmalakna, eizawnna ngêlnghet nei tura kawng inkawhhmuhna leh hmalakna a ni," a ti.

Hawnna inkhawm kaihruaitu K Zorammuana, additional DC sawi danin, Skill Development & Entrepreneurship Incubation Centre atan DC Office aṭangin office mamawh 37 dah a ni dawn a, Commerce & Industries (Commerce Wing) department-in white board an pe bawk.

H Ginzalala hian nimin zing khan Champhai bazar a tlawh a, Commerce & Industries hotute leh khawtlang hruaitute nen bazar tihchangtlunna tur an enho a ni.