NSS hmalakna an sawiho

Nimin khan Sports minister Zodintluanga hoin a pisaah National Service Scheme (NSS) State Level Advisory Com--mittee meet-ing vawi 13-na neih a ni a; kum 2015-16 chhungin Mizo-ram-ah NSS volun-teer mipa 12,180 leh hmei-chhia 11,520, an vaiin 23,700 an awm thu tarlan a ni.

Zodintluanga chuan, NSS hmalaknaa thil ṭang-kai tak tak siam a ni ṭhin chu lawmawm a tih thu a sawi a, "NSS officer-te leh volunteer-te inpekna a fakawm hle a ni," a ti.

Meeting-ah hian kum 2014-15 leh 2015-16 chhunga NSS hnathawhte thlirlet a nih bakah, 2016-17 chhunga hmachhawp te, sum mamawh leh thingphun beihpui thlak turte an sawiho a ni.

Meeting-a tarlan dan-in, kum 2014-15 chhung khan NSS volun-teer mipa 13,973 leh hmeichhia 9,727, an vaiin 23,700 an awm a; kum 2015-16 ah pawh mi 23,700 an awm. Mizo-rama college 25-ah NSS unit 87 leh higher secon-dary school 51-ah NSS unit 150 a awm a ni.

Sports Minister ho vek hian a pisaah nimin khan Mizoram State Sports Council (MSSC) Executive Committee an ṭhukhawm bawk.