Vigilance & Monitoring Committee

Kolasib District Level Vigilance & Monitoring Committee chu nimin khan DC conference hall-ah chairman CL Ruala, Lok Sabha MP leh co-chairman Ronald Sapa Tlau, Rajya Sabha MP hoin an ṭhukhawm.

CL Ruala chuan, District Level Vigilance & Monitoring Committee leh District Level Committee dangte chu an pawimawh tih sawiin, "Heng committee-te kaltlang hian hmasawnna leh mipui rawngbawlna kawnga department-te hmalak dan, ke an pên dan leh an harsatnate kan hre thei a, duhthawh lohna laite a kan inkhak thei a, kan tih ṭhatnaahte kan infak thei a, harsatna awmte sutkian nan a sawina tur hmunah heng harsatnate hi kan sawi thei a ni," a ti.

Meeting-a tarlan danin, January-April 2016 chhung khan Kolasib district-ah nau piang 431 an awm a, chung zinga pali chu thi saa piang (still birth) an ni a, raicheha thi an awm lo.

Sikul tinah inthiarna enkawlna atana toilet maintenance grant Rs. 1,400 pek a ni a, District Swacch Bharat (Urban) hnuaiah January-May 2106 chhungin Saidan, Rengtekawn leh Gosen Vengahte inthiarna mumal nei lo tan ek-in 45 an saksak. Kum 2015-2016 chhungin MGNREGS hnuaiah ni 78 inhlawhna siam a ni.

Meeting-ah hian Ko-lasib district-a MLA pa-thum - PC Zoram Sang-liana, Hmingdailova Khiang-te leh K Lalrin-thanga te an tel kim a ni.