MP Sapa'n FCI kudam a enfiah

Food Corporation of India-a State Consultative Committee chairman Ronald Sapa Tlau, Rajya Sabha MP chuan nimin khan hriattir lâwkna awm loin Rengtekawna FCI Kudam a tlawh a, bûkna an hman dan leh an harsatnate a enfiah.

Ronald Sapa Tlau chuan, Food, Civil Supplies & Consumer Affairs department-in FCI aṭanga buhfai an lak ṭhin bûk a tling lo tih sawi a awm thu Kolasib District MJA-te'n a hrilh avangin kudam a enfiah tih thawktute a hrilh a; endiknaah chuan buhfai an pekchhuah chu a bûk a dik vek tih hmuh chhuah a ni.

Rajya Sabha MP chuan, buhfai a ṭhat leh ṭhat loh a enfiah bawk a, "Buhfai awmte hi a quality a ṭha tawk niin ka hria. Hun lo awm zel turah -in mipuite hnenah buhfai ṭha chauh an pek theihna turin a quality enfiah zeuh zeuh a pawimawh," a ti.

Tun dinhmunah Rengtekawn FCI Kudamah hian buhfai metric ton 157.627 awm mek a ni.