Mamit DC leh Karimganj DC ramri chungchangah an inbe dawn

Assam Police leh Forest mi leh sate'n October 9, 2020-a Thinghlun rama Mizo pa thlâm an hal leh huan thlai an tihchhiat kaihhnawihah boruak sosang leh buaina thleng thar a awm zui rih lo. Vawiin hian Kanhmunah state pahnihte DC level-a inbiakna neih a ni dawn.

Vanglaini thu dawn danin, vawiina inbiakna hi Mamit DC Dr Lalrozama leh Karimganj DC hoa neih a ni dawn a; Mamit DC hi Mamit SP bakah, Home department leh Police headquarters aṭangin hotute'n an ṭawiawm ang. Karimganj DC pawh Assam sorkar official-te'n an ṭawiawm dawn a ni.

Hetih lai hian, Assam mi leh sate'n thlai an tihchhiat neitu Bendavida huanah Mizoram police ṭhahnem tak an awm mek a; boruak duhawm lo thleng a awm zui rih lo.