Central civil service-a luh tumte sorkarin senso a tumsak dawn

Chief minister Zoramthanga hoin CMO conference hall-ah nimin khan Mizo ṭhalai, central (civil) service-a luh tum, beiseiawm bikte sorkarin a puih dan tur ngaihtuah a ni a; beiseiawm bikte chu exam tura an inbuatsaihna senso zawng zawng sorkarin a tumsak (full sponsorship) turin an rêl.

CM chuan, Mizo ṭhalai zingah central service-a lut an tlem tulh tulh vangin ṭan lâk a ṭul thu a sawi a, "Mizo ṭhalaite hian India ram zau zawka rual el pha a, rual khûm pha an nih theih nan tun aṭanga ṭan lak a ngai a ni," a ti.

Ṭhalaite hmakhua ngaihtuah chungin central leh state-ahte ṭhuang hrang hrangin sorkarin hma a lak dawn thu sawiin Zoramthanga chuan, "Ṭhalaite sáng taka chher chhuak turin sum pawh remchang ang ang hman a ni ang," a ti a; ṭhalaite tana kawng hawnsak tumna chu ṭha a tih thu a sawi.

Meeting chuan, UPSC exami­nation - prelimimary leh mains-a inziak tlingte tana cash incentive siam leh coaching aca­demy-te nena thawhho piah lamah, ṭhalai tumna tak tak neite leh beiseiawmte tana full scholarship siam a rêl. Scholarship hmu tura exam buat­saih dan tur leh seat siam zat tur ruahman thuai tum a ni.

Ṭhutkhawmah hian School Education minister Lalchhandama Ralte, Mizoram Youth Commission chairman Dr Vanlalṭanpuia, MLA leh sorkar official-te an tel.