AMC by-election turah inhnûkdâwk an awm lo

Aizawl Municipal Corporation (AMC) Ward-XIX by-election, June 25, 2024-a neih tura chuh tuma hming pete zingah inhnûkdâwk an awm lo a, inthlanah hian candidate pali an awm dawn.

AMC Ward-XIX by-election neih turah hian June 10, 2024 khan candidate ni tura hming pe lutte inhnuhdawh theih hun a tàwp a; inhnûkdâwk an awm lo tih returning officer Lalmuansanga Ralte-in Vanglaini palai a hrilh.

AMC by-election-ah hian candidate pali an awm dawn ta a, chu'ngte chu - INC candidate Effie Vanlalhmangaihi, MNF candidate Dr Lalrinzuali Hrahsel, ZPM candidate Dr C Lalmalsawmi leh BJP candidate K Vanlalruati te an ni a; chhinchhiahna atan an party election symbol ṭheuh an hmang dawn a ni.