Forensic hmanraw hman dan zir

Mizoram Police Head­quarters leh Directorate of Forensic Science Labo­ratory chuan nimin aṭang khan police officer-te tan mobile foren­sic vehicle chhunga hman­raw awmte hman dan zirna, 'Utilisation of Mobile Forensic Vehicle Trai­ning' an buatsaih.

Training hi Forensic Science Laboratory (FSL)-ah buatsaih a ni a; FSL director H Sangchungnunga chuan hawngin, ni li training chhungin uluk tak leh taima taka zir turin training-a telte a fuih bakah, an thil zirte hmang nghal thei tura thiam tum ṭheuh turin duhsakna a hlan.

Training hi batch thumah ṭhen a ni a, mi 25 zel an awm dawn a, batch khat chu ni li chhung zel zirtir an ni ang.

Mizoram FSL chuan mobile forensic vehicle hi sorkar laipui aṭangin 10 an dawng dawn a, chu'ngte chu district tina hman theih tura ruahman a ni. Hmang thiam ngei turin police officer-te zirtir chhoh mek an ni.