Thla khat chhungin kum tling lo Khuaikhem thubuai pathum a lut
September 2020 chhung khan Champhai Police Station-ah hmeichhe naupang kum tling lo khuaikhem thubuai pathum ziah luh a ni.
Champhai district chhunga khaw pakhat aṭanga Champhai PS-in FIR an dawn danin, mipa pakhat chuan a nu leh a tunu kum tling lo pawngsual a tum a; FIR thehluttu chu pawngsual tumtua puh nu a ni. Pawngsual tumtua puh hi a hming tarlan a nih chuan a tuartute hriat chhuah a awlsam dawn avangin a hming tarlan a rem lo.
Champhai veng pakhata YMA hruaitu chuan an veng hmeichhe naupang kum tling loin amah pawngsualtuah C Lallianpuia a puh tiin, Champhai PS-ah hian thubuai a thehlut. Hmeichhe pakhat chuan, a inah lutin Nangsuankapa'n a hnute khawihsakin a serh a hmuhtir nia sawiin FIR a thehlut bawk.