Loneitute thlai chìn dan zirtir

Nimin khan Assistant Registrar Cooperative Societies (ARCS), Mamit district buatsaihin Dárlâk community hall-ah Pradhan Mantri Vandhan Yojana (Vandhan Mission) chungchang leh loneitute thlai chìn dan leh enkawl dan zirtirna hun buatsaih a ni a, bawrhsap Dr Lalrozama'n a hmanpui.

Dr Lalrozama chuan, loneitute chu tih tak zeta inzir tura chahin, "Training-na hmun ngeiah thiam tur ang chite leh hriat tur pawimawhte hriat tum a, rilrua zawhna awm reng reng chu zawh hreh loh tur. Vandhan Scheme hi a hlawhchham thiang lo a, District Monitoring Committee aṭangin uluk taka vilzui a ni. Lian taka bul ṭan hluai theih a ni lo a, kan dinhmun siam ṭha chho hret hret zel tur kan ni," a ti.

Vandhan Mission nodal officer Lalthangfala chuan, Darlak Integrated Fishery Cooperation Society kaltlangin kuhva 5,00,000 scoop theihna tanky siam a nih dawn thu te, society member 300-te bank account leh Aadhaar link vek a nih tawh thu te, beneficiary-te'n an kuhva thar chhuahte kg. khat Rs. 30 zela an hralh theih dawn thu leh, kuhva ro kg. khat Rs. 200-a an hralh theih dawn thute a sawi.