KṬP conference sum bâng sem dawn

Champhaia KṬP General Conference 2016 Organising Committee chuan conference atana sum an hmuh, an hman bâng cheng nuai 10 chuang chu May 28, 2016 khan a sem ral dan tur an tifel.

Conference thlengtu zinga tel branch 25 hnenah Rs. 24,800 ṭheuh pek turin an rel a, chu chu a vaiin Rs. 6,40,000 a ni.

Pandal ṭhiah laia chimin a delh hlum C Vanmawia râl nan Rs. 1,00,000, Synod Hospital Charity-ah Rs. 1,00,000, kum 2018-a KṬP General Conference thleng tur West Phaileng puih nan Rs. 50,000, Champhai Joint KṬP hnenah Rs. 50,000, pandal chim vanga hliam Lallianvela kan nan Rs. 10,000 leh Champhai ART Centre-a naupangte hnêk tur lei nan Rs. 10,000 pek an rel a ni.