SHDC-ah nuai 1173.85 pe chhuak tawh

Mizoram sorkar chuan Sinlung Hills Development Council (SHDC) hnenah kum nga, 2011-12 leh 2015-16 inkar chhungin cheng nuai 1173.85leh Sialkal Range Development Council (SRDC) tan cheng nuai 200 a pe tawh.

SHDC hi August 27, 1997-a din niin, a huam chinah khaw 26 a awm mek a; SRDC chu February 28, 2012-a din niin, a huam chhungah khaw paruk a awm thung. SHDC leh SRDC-ah hian khaw hrang hrang aṭangin Council member an awm a ni.

SHDC-ah hian chairman chu Hmingchungnunga a ni a, a thawh-pui officer bakah, khaw hrang hrang aṭangin member 17 an awm. Mizoram sorkarin hmasawnna hna thawhna atana sum a pekte chu office-a thawktute hlawh atan te, office inrêlbâwlna atan leh khaw hrang hranga hmasawnna hna thawh nan hman
ṭhin a ni.

Kum 2011-2016 chhungin Mizorammsorkar chuan SHDC hnenah cheng nuai 1173.85 a pe tawh a; kum khata a pek zat a inang vek lo a, a pek tam ber ṭumin cheng nuai 300 a pek laiin, a pek tlem ber kumah chuan nuai 134.31 a pe.

Sialkal Range Development Council (SRDC)-ah chuan a huam chhungah khaw paruk - Mimbung, Hrianghmun, Teikhang, Kàwl-bêm, Vaikhawtlang leh Selàm-te an awm.

SRDC chairman chu bialtu MLA H Rohluna a ni a, tuna vice chairman chu Kawlbem VCP a ni. Member secretary chu Ngopa SDO (C) a ni a, joint secretary-ah Ngopa BDO a ni. Member-ah hian Champhai DC bakah, Teikhang, Mimbung, Vaikhawtlâng, Hrianghmun leh Selam khaw VCP-te an tel.

SRDC din tirh aṭanga sum pek tawh zawng zawng chu cheng nuai 200 a ni a, kum 2012-a a din tirh aṭangin kum tin cheng nuai 50 zel pek an ni. An sum hmuh aṭangin nuai 150 an hmang tawh a, la hman loh nuai 50 dang pawh a hmanna tur tihfel vek a ni tawha thu dawn a ni.