Bawng chaw up sem chhuak mek

AH&Vety department chuan Thenzawlah ran chaw an chìnna, Fodder Farm-a ran chaw upna (Silage Drum) an din hmangin ran chaw an up a, chungte chu bawng vulhtute'n awlsam zawka an lei theih turin department motor-in a leitute kawtkaiah an phurh thlensak mek.

Thenzawl ramah hian AH&Vety department chuan hectare 74-a zauah Fodder Farm an siam a; ran chaw an chinte chu a ṭhan chak avangin kum khatah vawi 5/6 vel lak theih a ni.

Ran chawte chu khawl hmanga an her sawm vek hnuah a upna tura siam Silage Drum-ah an up ṭhin. A kuangte pawh chan sawm vekin an up tel a, bawng vulhtute'n a kuang leh a ṭang an paih ṭhin chu paih a awm ve lo a ni.