World No Tobacco Day hman a ni Meizial fakna awm lohnaah Mizoram puang

Nimin kha Wolrd No Tobacco Day a ni a, he ni pual hian chief minister Lal Thanhawla hoin CM bangla banquet hall-ah hun hman a ni. Chief Minister chuan, Point of Sale (PoS) Board hmanga meizial fak mawina awm lohna state-ah Mizoram a puang.

Lal Thanhawla chuan, vaihlo leh a kaihhnawih leh zûk leh hmuam chu beihpui thlaka do a ngai tih hriatna rei thawkhat tawh mah se, tunah chuan Mizo mipuite'n ringtu an nih anga an do tlân a ngai niin a sawi a, "Vaihlo leh a kaihnawih dona kawngah kohhran anga hmalak a sâwt a, kohhran hrang hrangte'n vaihlo dona kawnga hmalakna an nei leh ṭhahnemngai taka ke an pên hi a fakawm," a ti.

Chief Minister chuan, dan loa ram dang aṭanga Mizorama meizial lak luhah chhiah âwl rûkna (tax evasion) a awm tih sawiin, chutiang thil chu nasa lehzuala khuahkhirh a ṭul thu a sawi.

Health minister Lal Thanzara pawhin thu sawiin, vaihlo zûk leh hmuam khuahkhirhna kawnga hmasawnna hrang hrang awm mekah ṭhahnemngai taka sorkar hmalakna ṭawiawmtu kohhran, MJA, Indian Society on Tobacco & Health (Mizoram Chapter) leh tlawmngai pawlte hnenah lawmthu a sawi.

Wolrd No Tobacco Day puala inkhawm hi chief secretary Lalmalsawma'n a kaihruai a; NTPC state nodal officer Dr Jane R Ralte-in 'Get Ready for Plain Packaging' tih thu sawiin, CID (Crime) SP Lallianmawia'n ‘Alarming growth of illegal tax evaded foreign cigaratte in Mizoram – a detriment to the State’s economy’ tuih thu a sawi.

Legal Metrology inspector Vanlalrema Hnamte-in ‘Relevant Legal Metrology – Packaged commodity rules for illegal tobacco control in Mizoram’ tih a sawi a; Taxation deputy commissioner Kailiana Ralte-in ‘Effective tax system for tobacco products (Con-traband cigarette) to improve the government’s revenue in Mizoram’ tih thupui a sawi bawk.

Aizawla World No Tobacco Day hmannaah hian minister, par-lia-mentary secretary, MLA leh sorkar officer liante an tel a; district khawpui hrang hrangah hun hman a ni.