KHAWTHLIR

Lirthei tlân dan tur

Kolasib SP C Lalzahngoa chuan NH-54 kawngpuiin a paltlang Kawnpui-Sairang kawng, Darnam zau bula leimin ṭhin chu fûr ruahtui a inṭan dawn chauh avangin zau zawka laih a ni dawn tih tarlangin, lirthei tlân dan tur ruahmanna a siam. Kawng laih hna hi vawiinah ṭan tur a ni a, thu leh awm hma chuan zing dar 9
aṭanga chawhnu inkar leh chawhnu dar 2 a-ṭanga zan dar 6 inkarah kawngpui khâr a ni ang.

Zirlai chawimawi

Lai Student Association (LSA) chuan nimin khan Lai Autonomous District Council (LADC) huam chhunga zirlai ti ṭhate chawimawina hun CYLA Hall, Lawngtlaiah an buatsaih. An hun hmanpuitu minister C Ngunlianchunga chuan, LADC chhungah kum 2016-2018 chhunga HSLC leh HSSLC-a top 10-a lang an awm chuan laptop a pek tur thu a puang.

Office tlawh

Fishries leh Sericulture changtu minister Dr BD Chakma chuan nimin khan Kolasib leh Kawnpuia Fisheries leh Sericulture department pisate a tlawh a, an hnathawh dan a enfiah bakah, thawktute nen an inkâwm.

Art Workshop

Mizoram Art Development Society (MADS) buatsaih ni li awh tur, 'Chief Minister Lal Thanhawla Art Workshop' chu nimin khan Art Novelty, Chaltlangah IPR director Jim K Chozah-in a hawng.

Inkhâr dawn

MIZOFED Ltd. chuan naktuk chawhma dar 10 aṭang hian Synod Conference Centre-ah inkhawmpui an hmang dawn a, hei vang hian MIZOFED dawr hrang hrang, LPG showroom leh office dawr theih a ni dawn lo a, petrol pump erawh chu hawn a ni ang.

In sak sak

Chhiahtlang Venghlun khawtlang an veng chhunga hmeithai pakhat chenna in an sak ṭhatsak. In sakna atan hian veng chhunga a thei theiin sum leh hmanraw dang an thawh khawm a ni. In hi Assam type a sak niin, a dung ft. 24 leh a vang ft. 18-in sak a ni a, a sakna atan Rs. 1,10,000 sen a ni.