MNF-in policy & programme an ennawn

MNF Policy & Programme Committee chu nimin khan an chairman Dr R Lalthangliana, MNF vice president hoin Mizo Hnam Rûnah an ṭhukhawm a, policy leh programme an duan tawhte an ennawn. An policy leh programme duante chu an peih ṭêp tawh niin an tarlang.

MNF thuchhuah chuan, an party Policy & Programme duan mek chu hun kal tawha sorkar kal fuh tawk lohna thlir chhunga uluk taka duan a nih thu a tarlang a, "Khawvel changkang leh hmasawn zel thlir chhunga mithiam tak takin an duan a nih avangin a rintlakin belhchian a dâwl hle dawn a ni," a ti.

An Policy & Programme tharah chuan thingtlang mi te, kut hnathawk te, kawng hrang hranga thiamna bik neite leh khawpuia cheng mi harsa zawkte khâichhuahna tur bakah, sorkar hnathawkte tana hamṭhatna turte a tel tih an sawi bawk.