Grape chíngtute'n wineshop an khâr

Champhai Grape Growers' Society (CGGS) chuan kum khat chhung Champhai Keifangtlanga wineshop an hawn chu Thawhṭanni khan an khâr a; Horticulture department-in Best Entrepreneur Award 2016 lawmman an pek leh kum 2015-16 chhunga Champhai Zone-a Taxation department-a chhiah pe ṭha ber palina lawmman a dawn an lawm nghal.

CGGS hian wineshop hi July 15, 2015-ah an hawng ṭan a, zu cheng nuai 300 man vel hralh chhuakin, Excise & Narcotics department-ah chhiah cheng nuai 70 chuang leh Taxation department-ah Rs. 5,10,000 chuang an chhûng lut. Zu an hralhna aṭang hian cheng nuai 20 chuang an hlêp hman a ni.

Thu dawn danin, CGGS hian wineshop chu an member tam zawkte duh dan angin an khâr a, an zu zawrh chhunga an hlép aṭangin nikum lama an member-te hnen aṭanga grape an leina man bá an rulh theih phah a ni.