MAHFED-in khawmpui an hmang

Mizoram State Agriculture, Horticulture, Forestry & Marketing Cooperative Federation Ltd. (MAHFED) chuan nimin khan Archive Hall-ah annual general conference an hmang a, Cooperation minister Lalrinmawia Ralte-in a hmanpui.

Lalrinmawia Ralte chuan, MAHFED thil tum zinga mi, marketing-ah hmasawn theihna tur leh hmalakna tur kawng tam tak a inchhawp mek tih sawiin, "Rel kawng leh lawng lian hmanga
ṭhenawm ramte nen kan ramin insumdawn tawnna leh inpawhna ṭha zawk siam a tumnaah Mizoram hi a luhka pawimawh ber a nih avangin hemi kawng hawi hian kan sûkthlek a ṭul," a ti.

Coopersative secreta-ry Sangdingliana pawhin thu sawiin, "Cooperative society-in a tum angin kut hnathawktute tan thil lei leh hralhna awlsam zawk siam tura hmalak zel a pawimawh," a ti a; MAHFED member-te chu inkhawmpui hlâwk taka hmang turin a sáwm.

Assembly report-a a lan danin, MAHFED sumdawnna pui ber, leiṭha company aṭanga lak luha sorkarin rate a siam anga kut hnathawkte hnenah hralh a ni a, chuta ṭang chuan kumin chhungin cheng nuai 19 chuang an hlêp a ni.