MSU-in Tuichawngchhuah mipui an vau

Lunglei, Tlabung leh Lungsena Mizo Students Union (MSU) hruaitute chuan nimin khan dan loa khaw din nia sawi, Tuichawngchhuah khua an tlawh a; khuaa chengte chu December 2016 ral hma ngeia chhuak turin an hriattir a, an chhuah loh chuan hâlsakah an vau.

MSU thuchhuah tarlan danin, Tuichawng-chhuaha kal MSU hruai-tute hi MSU regional headquarters, Lunglei aṭangin mi pakua, MSU headquarters, Tlabung aṭangin mi panga leh MSU sub-head-quar-ters, Lungsen aṭangin mi pakhat an ni a; Tui-chawngchhuaha chengte chhuahtir tura kal ni mah se, Tlabung SDPO hoin police eng emaw zat an awm avangin an chhuahtir thei lo.

MSU chuan, kumin February 25-a Tuichawng-chhuah Primary School a kan hnuah Tui-chawngchhuahah hian sorkarin MAP a la dah reng niin an sawi. Tuichawngchhuah chu Belpei V/C ram chhunga awm a ni a, kum 2014-a LAD-in Lunglei district-a sub-village a tihchhuah 23 zingah a tel lo niin an sawi bawk.