Apex Bank-in 2015-ah Cheng nuai 614.69 hlêp

Mizoram Cooperative Apex Bank (MCAB) chuan nimin khan Vanapa Hall-ah Annual General Assembly vawi 23-na an hmang a, Cooperation minister Lalrinmawia Ralte-in a hmanpui. He hunah hian financial year 2015-16 chhung khan MCAB-in cheng nuai 614.69 a hlêp tih an tarlang.

Lalrinmawia Ralte chuan, Apex Bank chu hnungtawlh loa hmasawn zawnga a kal zel chu a enkawltu Board leh thawktute thawhrimna vang a nih thu a sawi a; chutih rualin, bank hna chu hna pawimawh leh fimkhur ngai a nih avangin harsatna thleng thei laka inveng fimkhur reng turin a chah.

Cooperation Minister chuan, Reserve Bank of India-in capital to risk (weighted) assets ratio (CRAR) 9% bank-te tana a bituk laia MCAB-in 9.18% an tlin chu lawmawm a tih thu a sawi a; MCAB-a shareholder-te chu share lei belh lama ṭhahnemngai turin a chah bawk.

Inkhawmah hian MCAB chairman T Lal-muanpuii leh chief executive officer Lalzuah-liana te pawhin thu an sawi.

Apex Bank-ah hian kum 2015-16 chhung khan cheng nuai 59,202 dah luh niin, loan atan cheng nuai 40,038 an pe chhuak a; deposit aṭanga loan pek chhuah zat hi 67.63% a ni a, Mizorama bank zinga CD ratio sang ber a ni.