KHAWTHLIR

MJA free clinic

Lawngtlai district MJA chuan nimin khan Lawngtlai Press Club-ah a thlawna inentirna an buatsaih a, AH&Vety minister C Ngunlianchunga'n a hawng. Free clinic-ah hian nimin khan mi 200 vel an inentir a, vawiin leh naktukah chhunzawm tur niin, Dr PC Lalram-enga leh Lawngtlai Dis-trict Hospital-a doctor pangate'n damlote an en a ni.

Ram humhalh dan tur sawiho

Nimin khan Kolasib additional DC R Lalremsanga hoin a pisaah Kolasib district-a ramngaw leh nungcha humhalh kawnga hmalak dan tur sawiho a ni a; sorkar official te, Mizoram Environment & Forest Consultation Forum (MEFCOF) hruaitute leh tlawmngai pawl aiawhte an tel. Kolasib district-ah Zotheihuan siam a nih theih nan hma latu tur district huap committee leh khaw mala committee din an rel a ni.

Tui lakna hawng

Lungpuizawla AH&Vety farm-a RKVY sum nuai 15 sênga tui lakna siam thar chu, nimin khan AH&Vety minister C Ngunlianchunga'n a hawng. Tui hi farm
aṭanga metre 250-a hlaa mi lak a ni a, tui dahkhawlna litre 20,000 dawng siam a ni.

Career conference

State Council of Educational Research and Training (SCERT) leh Saiha District Education Office (DEO)-te chuan, nimin khan Don Bosco School, Saihaah Career Conference an buatsaih a; Donbosco School, Saiha Higher Secondary School leh Saiha High School-a pawl 10 zirlai ṭhahnem tak an tel.

Language lab.

College tihhmasawnna tur scheme, Rashtriya Uchchatar Shiksha Abhiyan (RUSA) hnuaia India ram state hrang hranga project zawh tawh 10 chu, sorkar laipuia Human Resource Development minister Zubin Irani-i'n naktukah a hawng dawn a; hawn tur zingah hian Zirtiri Residential Science College-a ‘Language laboratory’ pawh a tel.