Lunglei tihhmasawn kan tum - Lalduhoma

ZNP president Lal-duhoma chuan nimin khan Lunglei Press Club-ah thuthar thehdarhtute a kâwm a; ZNP a sor-kar chuan Lunglei chu Mizoram khawpui pahnih-na a nih reng theih nan hma an la dawn niin a sawi.

Lalduhoma chuan, Lunglei chu tun hma
aṭangin Mizoram khaw-pui ber pahnihna a reng ṭhin tih sawiin, "Tunah chuan Aizawl nen namen loin a inthlau ta a, district capital naupang zawkte pawhin an ûm pha ṭêp tawh," a ti a; 'Chhim lamah thluak a awm' tih ni mah se, an MLA-te'n Aizawla an pêmsan zel avangin an tuar niin a sawi.

Lunglei HPC chuan beisei a pha lo a, dis-trict danga District Development Committee-te nen danglamna a awm lo nia sawiin, Lalduhoma chuan, HPC chu legislate a nih loh avangin a nghet lo a, duh chuan paih mai theih a nih thu a sawi a, "Kan sorkar chuan House-ah ngei pass a, dan ngheta siam a, kum tin budget session ruala a hranpaa budget bik siamsakte leh thuneihna sang zawk neia changtlung taka dâwmkân kan tum," a ti.

ZNP President chuan, an sorkar chuan Bang-ladesh nena insumdawn tawn nan Tlabungah border trade tihpuitlin thuai an tum thu te, Thingsai kaltlanga Myanmar nena inrinnaah border trade tihpuitlin an tum thu te, Lunglei chu border trade hmunpui kawngpui pathum kaltlang thei tura buatsaih an tum thute a sawi.

Lalduhoma chuan, Lungleia Fire Station pakhat awm chu siam belh ṭul a tih thu te, Chakma foreigner-te'n Mizoram an luh rûk zel loh nan Tlabungah emaw, Chawngte-ah emaw IR/MAP headquarters dah an tum dawn thu te, Lungleiah MZU Southern Campus hawn a nih ngei theih nan hmalak a tum thu te, Lungleiah law college leh commerce zirna dah vat an tum tur thute a sawi bawk.