Vawk neitute zangnadawmna pek phût

MNF party chuan thuchhuah siamin, vawk pûl hri, PRRS vanga vawk 3,000 chuang thi tawh neitute chu zangna-dawmna pe ngei turin Mizoram sorkar an phût.

MNF chuan, "Vawk pûl hri vang hian vawk vulhtute lungngaiin an kun mek a. Sorkar hian vawk vulhtu, PRRS vanga vawk chánte zangna-dawmna pe ngei turin kan ngen nawn leh a, vawk hri léng titawp tura nasa leh zuala ṭan la turin kan phût bawk," an ti.

Sorkarin vawk hri lên chhan chu khuarêl chhiatna vang nia a tarlang chu thu belhchian dâwl lo nia sawiin, MNF chuan, "Vawk hri lèn chhan tak zawk chu sor-karin NLUP vanga Burma rama vawk natna hri (PRRS) a lêng tih hre reng chunga vawktê a châwk luh vang a ni," an ti a; MIzorama PRRS lên chhana mawhphurtu chu sorkar a nih thu an sawi.

MNF chuan, NLUP hnuaiah vawk note lei nan cheng nuai 6056 leh RKVY aṭangin cheng nuai 547.75 Mizoram sorkarin a séng tawh tih an sawi a, "NLUP/RKVY aṭangin vawk note lei nan cheng nuai 6603.75 an séng tawh chunga vawksaa kan la intodelh lo lutuk leh ram dang
aṭanga kan la lut reng hi NLUP hlawhchhamzia lantirtu a ni," an ti.

MNF thuchhuah chuan, NLUP/RKVY
aṭanga vawk note lak luhte chu C Vanlalhmuaka, Champhai Zotlang hnen aṭangin pakhat Rs. 5,000 zela lei a nih thu a tarlang a; vawkte lei dan chu mimal duhsak zawngte vûrna a nih thu leh vawkte lei danah thil felhlel tam tak a awma an hriat thu a tarlang bawk.