Olympic Day hman dan tur MOA-in an sawiho

Mizoram Olympic Association chu nimin khan an president Lal Thanhawla, chief minister hoin MSOA pisaah an ṭhukhawm a; June 23-a Olympic Day neih dan tur an sawiho.

Meeting-ah hian, zing kara Olympic Day Run nei ṭhin chu sikul kâi hun tihhma a nih tawh avangin harsatna awm theih thu sawi chhuah a ni a, hei vang hian ṭangkai zawka Olympic Day hman dan tur duangtu tur hi MOA senior vice president Zodintluanga kaihhruaiin committee an din.

Rio Olympics 2016-a observer kal dan tur chungchangah, Indian Olympic Association (IOA)-in State Olympic Association-te observer anga tirh a tum tawh lo a, mahse, state tinte kalna senso tur Rs. 3,00,000
ṭheuh a pek tur aṭangin kal theih dan tur ruahmanna an siam.

Meeting chuan, Hockey Mizoram-in Olympic Day-a hockey exhibition match hmun hniha buatsaih a tum chu a pawm a, a senso tur chu MOA president-in a ngaihtuahsak ang.