Mizo journalist-in Thailand ramah Mizorama ráltlân dinhmun a sawifiah
Thailand rama Chiang Mai leh Mae Sot khawpuia International Media Stakeholder Meeting-ah Mizoram aṭangin Mizoram Journalists' Association member Lalnunkimi Colney (Kimi Colney) a tel a, ram dang aṭanga Mizorama ráltlânte dinhmun a sawifiah.
International Media Stakeholder Meeting hi June 3-12, 2024 chhung khan neih niin, Mizoram leh Manipur aṭangin journalist pakhat ve ve an tel bakah, Thailand leh Myanmar aṭangin palai an tel. Palaite chuan ram leh state ai an awhnaa ráltlânte dinhmun hriat chianna tur leh ṭha zawka ráltlânte chanchin thar thehdarh dan turte an zirho a ni.
Lalnunkimi Colney hian Mizorama râltlânte dinhmun a lem nen a sawifiah a; râltlânte dawnsawn, ṭanpui leh chhawmdawlnaa YMA, kohhran, pawl hrang hrang leh mimalte'n thâ an thawh dan leh râltlânte'n harsatna an tawh dante sawiin, khawvel huap NGO-te puihna dawn ni se chuan râltlânte harsatna tam tak sutkian a nih theih tur thu a sawi.
Raltlante chungchang bakah hian India, Thailand leh Myanmar rama media mite inhmelhriat tawnna leh inpawh tawnna ṭha zawk a awm theih dan tur te, hma lakho theih dan turte sawiho a ni bawk.