Education Minister-in sikul a tlawh kual

School Education minister Dr Vanlalthlana chuan nimin khan sorkar sikul - Durtlang High School, Tinzagina High School, Ṭhuampui Primary School leh Ramhlun Vengthar Primary School-te a tlawh a; a theih chin chinah sorkar sikul bakah, mimal enkawl sikulte a hmuna tlawh a tum thu a sawi.

Dr Vanlalthlana chuan, sikul kal chilha an dinhmun enfiah ṭhin a pawimawh thu sawiin, "A theih chin chinah sorkar sikul bakah mimal enkawl sikulte chu a hmuna tlawh ṭhin ka tum. Sikul a ṭhat theih nan a hmunah tlawh chhuah taimak a ngai a, chumi kalpui tur chuan official pawh sorkarin a beisei a ni," a ti.

Veng leh khaw tina sikulte chu khawtlangin neitu nihna an neih thiam a ṭul thu sawiin Minister chuan, "Vidyanjali Scheme hi Mizoram sorkarin Sikul Kaichhan tiin a her rem a, mipuite'n kan hmelhriat zel a pawimawh. Khawtlangin neitu nihna an inṭâwm tlanna (communitisation) nen pawh a inrem hle," a ti a; mipui hnena thuneihna leh mawhphurhna sem a pawimawh thu a sawi.

Minister hi School Education director Lalsangliana'n a ṭawiawm a ni.