Mi dawra pistol hmet puaktu man
Nimin chawhma dar 11 vel khan Lalnunsanga (32) s/o Hrangṭhuama, Armed Veng South nia insawi chuan Dawrpui venga Abdul Rokit Shop-ah pistol hmet puakin, dawr nghaktu Hayder Ali, Kadaigul, Karimganj (present address Dawrpui) ke zungpuiah a kâp fuh a, police-in an man.
Police hotute hnen aṭanga thu dawn danin, Lalnunsanga hi ruihhlo ti ṭhin a ni a, Dawrpui venga Aizawl Mosque bul dawr pakhatah lutin, dawr nghaktu hnam dang chu
Rs 1,00,000 pe turin a ti a, a pek duh loh hnuah pistol a hmet puak ta a ni. Dawr nghaktu ke veilam zungpuiah a kâp a, ngaihtuahawm a ni lo.
Lalnunsanga hi a bul hnaia awmte'n an man a, police kutah an hlan. Thil thlengah hian Hayder Ali chuan Aizawl Police Station-ah FIR a thehlut a, police-te chuan Lalnunsanga silai hman, 0.22 pistol pawh an mansak nghal a ni.