CYMA-in zirlai ti ṭhate a chawimawi

Central YMA chuan kumin HSLC leh HSSLC-a top 10-a lang Mizo zirlaite lawmpuina leh fuihna hun nimin khan CYMA Committee Room-ah an buatsaih.

Inkhawm hi CYMA vice president Prof. Lalnuntluanga'n a kaihruai a, general secretary Prof. Malsawmliana'n inhmelhriattirna hun a hmang. HSLC top 10-a tling Mizo zirlai 13, HSSLC stream pathuma top 10-a lang Mizo zirlai 34 hnenah lawmpui Rs 3,000 leh a thuchei an hlan a ni.

CYMA president Lalhmachhuana chuan, zirlaite chu an zir zelnaah Mizo hnam hre reng tur leh hnam tana ṭhahnemngai taka zir turin a fuih a; Zo nun ze mawi leh hnam nunphungte kalsan lo a, Mizo nihna vawng nung zel turin a chah.

Indian Institute of Technology, Gandhinagar-a assistant professor Dr Krista Roluahpuia zirlaite fuihna thu a sawi bawk.